Það eru liðnar rúmlega 2 vikur frá því við komum heim úr fríi. Það er mikið og margt búið að ganga á síðan, bæði í þjóðmálum, efnahagsmálum og alþjóðamálum. Ég ætla ekki að tjá mig um það að öðru leyti en því að ég vil benda fólki á að lesa grein Einars Más Guðmundssonar í Mogganum á föstudaginn var og horfa á viðtalið við hann í Silfri Egils í gær. Hann hefur lag á að segja hlutina á skiljanlegan hátt og samlíking hans við "Nýju fötin keisarans" er snjöll.
En af heimavígstöðvum, þar sem ýmislegt hefur á dagana drifið:
Við komumm heim frá Krít í gærkvöldi. Það var hálfkalt á Krít á mælikvarða heimamanna, bara 24 gráður og hálfskýjað. Ég var fegin, því að tékka sig út af hóteli, þvælast í rútu, bíða á flugvelli og allt sem ferðalögum fylgir, er mun bærilegra ef hitastigið er þægilegt, hvorki of kalt né of heitt. það var svo ansi napurt að koma út úr flugstöðinni í Keflavík í 2° hitann þar. Björninn minn og Halldóra sóttu okkur á völlinn og við komum svo að uppbúnum rúmum og notalegheitum á H27 hjá vinum okkar, en þar gistum við 2 nætur. Keyrum síðan austur á morgun.
Krít er að mörgu leyti góður staður að heimsækja. Strendurnar og sjórinn eru frábær, maturinn víðast hvar góður og viðmót heimafólks notalegt. Þar er líka hægt að skoða ýmsar náttúruperlur, sögustaði og menningarminjar ef menn verða þreyttir á sólbaðinu.
Ta er vika lidin, ekkert sma gott ad vera herna. Smabaejarbragur a flestu og hentar tad okkur vel. Vedrid hefur verid alla vega, en ad mestu gott fyrir okkar smekk. Strendurnar eru finar og maturinn agaetur nema hvad fiskur er gjarnan hardsteiktur i feiti og lysisbragd ad honum.
Vid hofum tad sem sagt gott og bidjum ad heilsa ollum heima.
Síðast uppfært ( miðvikudagur, 24 september 2008 )
Afi snilldarkokkur
Views
99
Í gær var Heiður Ösp á leikskólanum fram undir hálf-fimm, en þá sótti pabbi hennar hana. Hún fór svo dágóða stund með afa sínum út á leikvöll (eða "lóló" eins og hún kallar það). Þar var brasað, hlaupið, klifrað og rennt af hjartans lyst. Þegar þau komu til baka fór afi að elda kvöldmat, og sú stutta var orðin svo svöng að hún fylgdist áfkaflega grannt með því sem fram fór í eldhúsinu. Hún settist síðan niður og borðaði skammt sem hver meðalmaður hefði verið fullsæmdur af.
Seinna, þegar ég var að að hátta hana, sagði hún mér í trúnaði: "Afi edda góðan mat" !! Ekkert smá hrós, miðað við að á matseðlinum var kjötbúðingur og kartöflustappa !
Gærdagurinn leið hratt, nóg að gera á litla heimilinu. Frumburðurinn minn fór með frumburð sinn á leikskólann í gærmorgun og við Bjarki Þór urðum ein eftir í kotinu. Hann tekur ömmu sinni furðu vel, er ekkert feiminn við mig. Einstaka sinnum verður hann þó bálreiður yfir röngum handtökum og afskiptasemi ömmu. Hann er samt alveg einstakt ljós þessi drengur, sefur allar nætur, leikur sér tímunum saman að einhverju smádóti og borðar og drekkur allt sem honum er gefið.
Bóndi minn ætlar að keyra suður í dag. Heiður Ösp hlakkar mikið til að hitta afa sinn. Spurningin er bara hvort hann kemur á stóra bílnum eða "strætó", en það kallaði hún sendiferðabílinn sem hún sá afa sinn á í sumar.
Síðast uppfært ( miðvikudagur, 10 september 2008 )
Komin í frí
Views
96
Jæja, þá er ég komin í Hafnarfjörðinn. Verð hér næstu daga í ömmuhlutverkinu. Heiður Ösp kann vel að meta að hafa svolitla auka athygli og Bjarki Þór var ekkert feiminn við ömmu.
Þegar dvölinni hér lýkur er ferðinni heitið til Krítar. Þangað förum við hjónin eftir rúma viku í langþráð frí. Ætla að reyna að skrifa hér af og til svo þið getið öfundað okkur - eða þannig.
